ശ്രീ
ഗുരുവായൂരപ്പന്‍ സുപ്രഭാതം

ബ്രഹ്മശ്രീ അനന്തരാമ ദീക്ഷിതര്‍ കൃതം

സമ്പാദകന്‍

P.R.RADHAKRISHNAN,
23, 'AMBAADY',
1st Cros,2nd Main ,
DOMLUR 2nd STAGE,
BANGALORE-560 071.
Tel.:080-25353969.
________














൧ വാതാത്മജാതി ബഹുഭക്ത ഗണൈശ്ച വന്ദ്യ !
വാതാശനൈശ്ച ഹൃദയേ പരിഭാവിതാങ്ക !
വാതാദിരോഗ ശമനായ കൃതാവതാര !
വാതാലയേശ കൃപയാ കുരു സുപ്രഭാതം !!

൨. കല്യാണവേഷ കരുണാലയകല്പവൃക്ഷ
കംസാദിദുഷ്ട ദമനായ കൃതാവതാര !
കല്‍ക്കിസ്വരൂപ ! കലിദോഷ ഹരാര്‍ത്തി ഹാരിന്‍ !
വാതാലയേശ കൃപയാ കുരുസുപ്രഭാതം !!

൩. നാരായണാഖ്യ കവിമാനസ രാജഹംസ !
നാരായണാഖ്യ കവിസംസ്തുത ! പുണ്യകീ‍ര്‍ത്തേ !
നാരായണാഖ്യ കവിദേഹജ രോഗഹാരിന്‍ !
വാതാലയേശ കൃപയാ കുരുസ്പ്രഭാതം !

൪. മാണീക്യരത്ന മകുടേന വിരാജമാനം !
മത്സ്യാദ്യനേക കലയാത്ര കൃതാവതാരം !
മന്ദാരമാല്യ മധുവാസിത ദിവ്യഗാത്രം !
പശ്യാമി ദിവ്യ സദനേ കുരു സുപ്രഭാതം !

൫ ഭാഗ്യോദയേന ഭരതേന ഭവോ ഭവാഗ്യോ
ഭക്ത്യാര്‍പ്പിതശ്ച ഭവദീയ പദാരവിന്ദേ !
ശ്രീഭട്ടനാദ ഭവഭാര മിഹാര്‍പ്പയേഹം
വാതാലയേശ കൃപയാ കുരു സുപ്രഭാതം.

൬. പ്രഹ്ലാദ നാരദ പരാശര ചാരുതോഷ്ണ
ബല്യംബരീഷ ശുക വായു സുതാദയശ്ച
ത്വാരിസ്ഥുവന്തി വരദാഖില ലോകവന്ദ്യ
വാതാലയേശ കൃപയാ കുരു സുപ്രഭാതം.






൭. ത്വം കേരളേ വാതപുരാദിനാഥ
ശ്രീ വെങ്കടേശസ്വയമാന്ധ്രദേശേ
ത്വം ദ്രാവിഡേസ്മിന്‍ ഗുണശീല നാമാ
സ്ഥിതോ ജനാനാം കുരു സുപ്രഭാതം.

൮. ശംഖം ച ചക്രം ച ഗദാം ച പത്മം
ഏതാനി ഹസ്തൈര്‍ തദദം ചതുര്‍ഭിഃ
ദ്രഷ്ടും സ്ഥിതോഹം ഗുരുവാതനാഥ
ഭജാമി കല്യേ കുരു സുപ്രഭാതം.

൯. തമേവ ശേഷം ഭഗവന്തമാദ്യം
വദന്തി നാരായണ ഭട്ടമാര്യം
അര്‍ഹത്യസൌ വാത പുരാദിനാഥ
വക്തും ഗുണാന്‍ തേ കുരു സുപ്രഭാതം.

൧൦ ന്യായാദി ശാസ്ത്രേഷു ന പണ്ഡിതോऽഹം
വേദേഷു വേദാന്ത പദേഷു നൈവ
കിന്തു ബ്രുവേഹം ഗുരുവാതനാഥ
ഭജന്‍ ഭവന്തം കുരു സുപ്രഭാതം

൧൧. വാതാലയേശ വരഭട്ട കവീന്ദ്ര വന്ദ്യ
വാചാമ ഗോചര ഗുണാ‍ന്‍ തവവക്തുമേവ
വാഗീശ്വരാദി മുനയഃ കമലാസനശ്ച
തിഷ്ഠന്തി തേऽത്യ സദനേ കുരു സുപ്രഭാതം.

൧൨. സമേത്യ ഭക്താ പുരസ്തവേശ
വതന്തി നാരായണ നാമ തത്ര
സ്വാമിന്‍ സദാനന്ദ സമുദ്രമഗ്‍നാസ് -
തേഷാം പ്രഭാതം നനു സുപ്രഭാതം.

൧൩. ജഗദ വനവിധൌത്വം നൈവ സുപ്തഃ പ്രബുദ്ധഃ
സ്മിത മധുര മുഖം തേ ദ്രഷ്ടുമേവാപി കാങ്ക്ഷാ
ഗുരുപവനപതേ മാം പാഹി കാരുണ്യ ദൃഷ്ട്യാ
കലിയുഗ വരദം ത്വാം പ്രാര്‍ത്ഥയേ സുപ്രഭാതം.

൧൪. കല്യാണ വേഷ ! കരുണാലയ ! കഞ്ജനേത്ര !
വാതാലയേശ വരഭട്ട കവീന്ദ്രനാഥ !
ലോകേശ ലോക വരദാഖില ലോകനാഥ
ദാമോദരേതി ഭജതാം കുരു സുപ്രഭാതം.

൧൫. ഗുരുപവനപതേ ത്വം നന്ദഗോപസ്യ ബാലഃ
ശിരസി ച ശിഖിപിഞ്ചം ഹസ്തയോര്‍ വേണുവേത്രേ
ഉരസി വിമലവസ്ത്രം മൌക്തികം നാസികാഗ്രേ
സ്പുരതി സകലമേതത് അദ്യ മേ സുപ്രഭാതം.

൧൬. നാനാരത്‌ന കിരീട കുണ്ഡലധരം പീതാംബരാലംകൃതം
ദൃഷ്ട്വാ സര്‍വ്വമനോഹരം തവ വപുഃ പ്രഹ്ലാദ മുഖ്യാഃ പ്രഭോ !
വീണാ വേണു മൃദംഗ വാദന പരാഃ സ്തോതും സ്ഥിതാസ്സാംപ്രദം
മായാബാലക രൂപ യുക്തഭഗവന്‍ ! ത്വം സുപ്രഭാതം കുരു.

൧൭. പുത്രേപ്സവഃ പുത്രബലം ച ലബ്ധ്വാ
യച്ഛന്തി പുത്രസ്യ സമം ബലാദീന്‍
സ്വാമിന്‍ തുലാഭാര മിതി പ്രസിദ്ധം
ആസീതിദാനീം കുരു സുപ്രഭാതം.

൧൮. ഘണ്ടാനാദേന ഭക്താഃ സമയ ഇതി മുദാ
പുഷ്ക്കരിണ്യാം നിശാന്തേ
സ്നാത്വാ ‍ചാചാര ശീലാഃ പവനപുരപതേഃ
ആലയം തേ വിശന്തി
ദൃഷ്ട്വാ തൈലേന സിക്തം പുനരപി പയസാ
ചന്ദനാര്‍ദ്രം ദയാര്‍ദ്രം
ത്വാം മോദാം ബോധിമഗ്നാഃ പുലകിത തനവഃ
സുപ്രഭാതം ഭജന്തേ.

൧൯. നാഹം ഗജേന്ദ്രോ ന ച ദൈത്യ സൂനുഃ
ന ചാംബരീഷോ ന ച വാതജോऽഹം
സ്തോതും ഭവന്തം ഗുരുവാതനാഥ
സ്ഥിതോഹ മജ്ഞഃ കുരു സുപ്രഭാതം.




൨൦ മത്തോ ജഡഃസ്സര്‍വ്വഗുണൈര്‍ വിഹീനഃ
ദാരിദ്ര്യ ദുഃഖേന സദാര്‍ദി തോഹം
വന്ദേ സദാനന്ദമയം പുരാണം
വാതാലയേശശ്ച കരോതു ഭദ്രം.

൨൧ സൂക്തിം ഭട്ടകൃതാം നിശമ്യ-
മധുരാം കൃത്വാ ശിരഃ കന്വനം
ഹ്യൂരികൃത്യ കൃപാ കടാക്ഷ വിധിനാ -
പ്രോത്സാഹിതഃ പുണ്യ ഭാക്‍
പീത്വാ കൃഷ്ണകഥാമൃതം
വരകവേര്‍ ഭട്ടാദ്രി വാങ് നിസ്സൃതം
വക്ഷൈ വാതപുരാധിനാഥ ചരിതം
ത്വം സുപ്രഭാതം കുരു.

൨൨. ഭുക്തം ഗോപ വപുര്‍ധരേണ ഭവതാ
ശിഷ്ടാന്ത മേവസ്വയം
ദത്തം ഗോപകിശോരകൈരനുദിനം
ബൃന്ദാവനാന്തേ പ്രഭോ
സ്വാമിന്‍ ഭൂസുര ഭോജനാത് പരമഹോ
ത്വത് ഭോജനം സാംപ്രദം
പശ്യാമോ ഗുരുവാതനാഥ ഭഗവന്‍ !
ത്വം സുപ്രഭാതം കുരു.

൨൩ ശ്രീങ്കരാചാര്യ മതേ സ്ഥിതാസ്‍തേ
നന്വൂത്രിവര്‍ഗ്ഗാഃ ഭഗവന്‍ നിശാന്തേ
സ്നാത്വാ സദാചാര രതാഃ സുശീലാഃ
കുര്‍വന്തി പൂജാം കുരു സ്പ്രഭാതം.

൨൪. യേ വാ ഭവാംബോധി ജലേ നിമഗ്നാഃ
യേ വാതരോഗാദി ശതൈശ്ച തപ്താഃ
യേ കാമ മോഹാദി കലൈശ്ച ബദ്ധാഃ
യേ വാതനാഥേന ജനാഃ പ്രമുക്താഃ
-൦൦൦൩൩൦൦-




മംഗളം

മംഗളാ മംഗളാ കാന്താ തവ വക്ഷസ്ഥലസ്ഥിതാ
മംഗളം പ്രാര്‍ഥയാനസ്യ കരോതു മമ മംഗളം.........൧.

ത്വമേവ മംഗളാ കാന്തഃ ലോകമംഗളകാരകഃ
മംഗളം തേ പ്രവക്ഷ്‍യാമി മമ മംഗള ഹേതവേ.......൨.

നാരായണായ ഹരയേ സൃഷ്ടിസ്ഥിത്യന്തകാരിണേ
ഗുരുവാതപുരീശായ വിശ്വരൂപായ മംഗളം...........൩.

ശംഖചക്രഗദാപദ്മ മാലാകൌസ്തുഭധാരിണേ
ഗുരുവാതപുരീശായ വിഷ്ണുരൂപായ മംഗളം........൪.

പ്രളയാബ്ധിചരായാസ്തു നമോ വേദവികാസിനേ
ഗുരുവാതപുരീശായ മത്സ്യരൂപായ മംഗളം...........൫.

ലക്ഷ്മീനാഥായ ശാന്തായ നമോ മന്ഥരധാരിണേ
ഗുരുവാതപുരീശായ കൂര്‍മ്മരൂപായ മംഗളം,,,,,,,,.൬.

ക്ഷിത്യുദ്ധാരവിഹാരായ ഹിരണ്യപ്രാണഹാരിണേ
ഗുരുവാതപുരീശായ ക്രോഡരൂപായ മംഗളം.........൭.

പ്രഹ്ലാദരക്ഷകായാസ്തു ദൈത്യപ്രാണാപഹാരിണേ
ഗുരുവാതപുരീശായ നാരസിംഹായ മംഗളം..........൮.

വാമനായ നമസ്തുഭ്യം ബലിദര്‍പ്പാപഹാരിണേ
ഗുരുവാതപുരീശായ യജ്ഞരൂപായ മംഗളം..........൯.

ബല്യര്‍പ്പിത പദാബ്ജായ ക്രാന്തത്രിഭുവനായ ച
ഗുരുവാതപുരീശായ വിശ്വരൂപായ മംഗളം..........൧൦.

നമഃ പരശുഹസ്തായ കേരളോദ്ധാരകായ ച
ഗുരുവാതപുരീശായ ഭാര്‍ഗ്ഗവായാദ്യ മംഗളം.........൧൧.


നമഃ കോദണ്ഡഹസ്തായ ദശഗ്രീവാന്തകായ ച
ഗുരുവാതപുരീശായ രാമചന്ദ്രായ മംഗളം............൧൨.

ബാലഗോപാലവേഷായ പൂതനാമോക്ഷദായിനേ
ഗുരുവാതപുരീശായ ഗോവിന്ദായാസ്തു മംഗളം.....൧൩.

വരഭട്ടാത്രിവന്ദ്യായ വാതരോഗ നിവാരിണേ
ജ്ഞാനപ്രദായ ദേവായ വാതേശായാദ്യ മംഗളം......൧൪.

ദയാസാരായ സൌമ്യായ മമ രോഗാപഹാരിണെ
സര്‍വരോഗാപഹാരായ വാതേശായാദ്യ മംഗളം......൧൫.

മയാവന്ദ്യായ നിത്യായ ജഗത് കാരണ മൂര്‍ത്തയേ
മമ താപ വിനാശായ ജാഗരൂകായ മംഗളം...........൧൬.

നാരായണ നാരായണ നാരായണ നാരായണ
നാരായണ നാരായണ നാരായണ നാരായണ
നാരായണ നാരായണ നാരായണ നാരായണ
നാരായണ നാരായണ നാരായണ നാരായണ

ബ്രഹ്മശ്രീ. അനന്തരാമദീക്ഷിതര്‍ കൃതം ശ്രീ ഗുരുവായൂരപ്പന്‍ പഞ്ചരത്നസ്തോത്രം

കല്യാണരൂപായ കലൌ ജനാനാം
കല്യാണദാത്രേ കരുണാസുധാബ്ധേ
കമ്പാദി ദിവ്യായുധ സത്കരായ
വാതാലയാധീശ നമോ നമസ്തേ

നാരായണ നാരായണ നാരായണ നാരായണ
നാരായണ നാരായണ നാരായണ നാരായണ
നാരായണ നാരായണ നാരായണ നാരായണ
നാരായണ നാരായണ നാരായണ നാരായണ. ൧

നാരായണേത്യാദി ജപത്ഭിരുച്ചൈഃ
ഭക്തൈസ്തദാ പൂര്‍ണ്ണമഹാലയായ
സ്വതീത്ഥ ഗാംഗോപമ വാരിമഗ്ന
നിവര്‍ത്തിതാ ശേഷരുജേ നമസ്തേ

നാരായണ നാരായണ നാരായണ നാരായണ
നാരായണ നാരായണ നാരായണ നാരായണ
നാരായണ നാരായണ നാരായണ നാരായണ
നാരായണ നാരായണ നാരായണ നാരായണ. ൨.

ബ്രാഹ്മേ മുഹൂര്‍ത്തേ പരിതസ്വഭക്ത്തൈഃ
സംദൃഷ്ട സര്‍വോത്തമ വിശ്വരൂപ
സ്വതൈല സംസേവക രോഗഹര്‍ത്രേ
വാതാലയാധീശ നമോ നമസ്തേ

നാരായണ നാരായണ നാരായണ നാരായണ
നാരായണ നാരായണ നാരായണ നാരായണ
നാരായണ നാരായണ നാരായണ നാരായണ
നാരായണ നാരായണ നാരായണ നാരായണ. ൩.

ബാലാന്‍ സ്വകീയാന്‍ തവ സന്നിധാനേ
ദിവ്യാന്നദാനാത് പരിപാലയദ്ഭിഃ
സദാ പഠദ്ഭിശ്ച പുരാണരത്നം
സംസേവിതായാസ്തു നമോ ഹരേ തേ.

നാരായണ നാരായണ നാരായണ നാരായണ
നാരായണ നാരായണ നാരായണ നാരായണ
നാരായണ നാരായണ നാരായണ നാരായണ
നാരായണ നാരായണ നാരായണ നാരായണ. ൪.

നിത്യാന്നദാത്രേ ച മഹീസുരേഭ്യഃ
നിത്യം ദിവിസ്തൈര്‍ നിശി പൂജിതായ
മാത്രാ ച പിത്രാ ച തഥോദ്ധവേന
സംപൂജിതായാസ്തു നമോ നമസ്തേ.

നാരായണ നാരായണ നാരായണ നാരായണ
നാരായണ നാരായണ നാരായണ നാരായണ
നാരായണ നാരായണ നാരായണ നാരായണ
നാരായണ നാരായണ നാരായണ നാരായണ. ൫.

ഗുരുവാതപുരീശ പഞ്ചകാഖ്യം
സ്തുതിരത്നം പഠതാം സുമംഗളം സ്യാത്
ഹൃദിചാപി വിശേത് ഹരിഃ സ്വയം തു
രതിനാഥായുത തുല്യ ദേഹകാന്‍തിഃ

നാരായണ നാരായണ നാരായണ നാരായണ
നാരായണ നാരായണ നാരായണ നാരായണ
നാരായണ നാരായണ നാരായണ നാരായണ
നാരായണ നാരായണ നാരായണ നാരായണ. ൬.

അനന്തരാമാഖ്യ മഖി പ്രണീതം
സ്തോത്രം പഠേദ്യസ്തു നരസ്ത്രികാലം
വാതാലയേശസ്യ കൃപാബലേന
ലഭേത ച സര്‍വ്വാണി ച മംഗളാനി

നാരായണ നാരായണ നാരായണ നാരായണ
നാരായണ നാരായണ നാരായണ നാരായണ
നാരായണ നാരായണ നാരായണ നാരായണ
നാരായണ നാരായണ നാരായണ നാരായണ. ൭.

_____________

ശ്രീ

ഗുരുവായുപുരേശ സുപ്രഭാതം

രചയിതാവ്

ശ്രീ സ്വാമി ജ്ഞാനാനന്ദ സരസ്വതി
ശിവാനന്ദ നഗരം, ഋഷീകേശം


സമ്പാദകന്‍
Sri. P.R.Radhakrishnan
# 23, "AMBAADY"
1st Cross, 2nd Main,
DOMLUR 2nd STAGE,
BANGALORE - 560071.
Ph.: 080 - 25353969.










- 1 -



ശ്രീഗുരുവായുപുരേശ സുപ്രഭാതം


ശ്രീവാസുദേവ നളിനേക്ഷണ നന്ദസൂനോ
ശ്രീവാസവത്സ പരിതാപതമിസ്രഭാനോ
ശ്രീവാസവാനുജ തനൂദ്ഗത ദിവ്യഭാനോ
ശ്രീവാതമന്ദിരപതേ തവ സുപ്രഭാതം. ൧.

ഭക്താവനൈകപര നൈകവിധൈഹികാശാ-
രിക്താന്തരംഗകൃതവാസ കൃപാപയോധേ
മുക്താവലീവിലസനാലയ വിശ്വഹേതോ
ശ്രീവാതമന്ദിരപതേ തവ സുപ്രഭാതം. ൨.

വിശ്വാവബോധ വിഷയീകൃത ഗാഢഭക്തി-
വിശ്വാസഗമ്യദിവിഷന്നുത ദിവ്യമൂര്‍ത്തേ
വിശ്വാധിദേവ വിവിധാര്‍ത്തി വിനാശകാരിന്‍
ശ്രീവാതമന്ദിരപതേ തവ സുപ്രഭാതം. ൩.

ജ്ഞാനാത്മനാത്മ മഹനീയ മഹോവിശേഷൈര്‍
നാനാവിധൈര്‍വിലസിതൈശ്ചനൃണാംനികാമം
മാനാതിഗപ്രമദദായക കൈടഭാരേ
ശ്രിവാതമന്ദിരപതേ തവ സുപ്രഭാതം. ൪

ഏകാന്തഭക്തിവിനയാദിഗുണാന്വിതാനാം
ശോകാന്തകാര നിഖിലേശ്വര വിശ്വമൂര്‍ത്തേ
പാകാന്തകാദിസുരസംസ്തുതദിവ്യകീര്‍ത്തേ
ശ്രീവാതമന്ദിരപതേ തവ സുപ്രഭാതം. ൫




- ൨ -


ആകാരകാന്തിജിതവാരിദ ദാരിതാരേ
ശ്രീകാന്തകാന്ത മുഖപങ്കജ ചക്രപാണേ
ആകാംക്ഷിതപ്രദ സദാ ശരണാഗതാനാം
ശ്രീവാതമന്ദിരപതേ തവസുപ്രഭാതം ൬

ശ്രീരാജമാനസുമനോമകുടാഗ്രരത്ന-
നീരാജിതാംഘ്രിയുഗ ഭക്തജനൈക ബന്ധോ
നാരായണാച്ച്യുത ഹരേ ഭഗവന്‍ മുരാരേ
ശ്രീവാതമന്ദിരപതേ തവ സുപ്രഭാതം ൭

ഭൂലോകവാസി ജന പുണ്യഫലേന്ൠണാം
ആലോകനായ ഗുരുവായുപുരേऽഭിരാമേ
ത്രൈലോക്യനായകവിഭോ ത്വമിഹാവിരാസീ:
ശ്രീവാതമന്ദിരപതേ തവ സുപ്രഭാതം. ൮

വാരാശിരാശിരശനാധവ ശാര്‍ങ്ഗപാണേ
ഘോരാശരാന്വയ വിനാശന ഭവ്യമൂര്‍ത്തേ
സൂരായുതോപമ സമസ്‍ത ചരാചരാത്മന്‍
ശ്രീവാതമന്ദിരപതേ തവ സുപ്രഭാതം. ൯

സംസാരസാഗരതരംഗപരംപരായാ-
മംസാന്തമജ്ജനവശാദതിതാപഭാജാം
പുംസാം സ്വകീയകരുണാതരണിപ്രദായിന്‍
ശ്രീവാതമന്ദിരപതേ തവ സുപ്രഭാതം ൧൦


- ൩ -

വാമാജനാസ്സുമഗണാന്‍ സരസം വഹന്തഃ
സീമാതിരിക്തവിനയേന സമര്‍ച്ചനാര്‍ത്ഥം
കാമാനുകൂലമഭിയാന്തി ഭവത്സകാശം
ശ്രീവാതമന്ദിരപതേ തവ സുപ്രഭാതം. ൧൧

സ്നാത്വാ പ്രഭാതസമയേ നിയമാന്‍ വിധായ
ധ്യാത്വാ പ്രഭാവലയിതം ഭവദീയരൂപം
നത്വാ ഭവന്തമനിശം വിലസന്തി സന്തഃ
ശ്രീവാതമന്ദിരപതേ തവ സുപ്രഭാതം. ൧൨.

ആനന്ദരൂപ പുരുഷോത്തമ പുണ്ണ്യമൂര്‍ത്തേ
ശ്രിനന്ദനന്ദന മുകുന്ദ മുദംബുരാശേ
ആനമ്രഭക്തജനപൂജിത മുക്തിദിത്സോ
ശ്രീവാതമന്ദിരപതേ തവ സുപ്രഭാതം. ൧൩.

വൃന്ദാവനാവനി വിഹാര പരാത്മഭക്ത-
വൃന്ദാവനോത്സുക നിജാശ്രിതകാമദായിന്‍
വന്ദാരുവൃന്ദഹരിചന്ദന ശേഷശായിന്‍
ശ്രീവതമന്ദിരപതേ തവ സുപ്രഭാതം. ൧൪

ആശാവകാശശതതഭൂതിവിശേഷ നാനാ-
ക്ലേശാവശാവനവിധാന നിബദ്ധബുദ്ധേ
ആശാവിഹീനമുനിമാനസവാസ വിഷ്ണോ
ശ്രീവാതമന്ദിരപതേ തവ സുപ്രഭാതം. ൧൫

൪

ത്രൈലോക്യനാഥ നിജഭക്തജനോത്കരാണാം
സാലോക്യദാനപര ദേവഗണൈകബന്ധോ
ആലോകനീയസുഷമാവൃതചാരുമൂര്‍ത്തേ
ശ്രീവാതമന്ദിരപതേ തവ സുപ്രഭാതം. ൧൬.

പ്രദ്യോതനസ്യകിരണൈരരുണൈര്‍നികാമം
വിദ്യോതമാനമഖിലം വിതതാബ്ദജാലം
സദ്യോവിഭാതി ദിവി ശോണവിതാനതുല്യം
ശ്രീവാതമന്ദിരപതേ തവ സുപ്രഭാതം. ൧൭.

ഗോവിന്ദകൃഷ്ണ മധുസൂദന വാസുദേവേ-
ത്യാവിര്‍മുദാ പരമഭക്ത ജനാജപന്തേ
ഹേ വിശ്വരൂപ തവവിഗ്രഹമാനമന്തി
ശ്രീവാതമന്ദിരപതേ തവ സുപ്രഭാതം. ൧൮.

ശ്രീവത്സവത്സ നതവത്സല സത്വസിന്ധോ
ശ്രീവല്ലഭാംബുരുഹലോചന ദീനബന്ധോ
കൈവല്യദായക ദയാമയ സത്യമൂര്‍ത്തേ
ശ്രീവാതമന്ദിരപതേ തവസുപ്രഭാതം. ൧൯.

ഫല ശ്രുതി

ഏവം മരുത്പുരപതേ ശുഭസുപ്രഭാതം
ഭാവപ്രകൃഷ്ട മനസാ പഠതാം ജനാനാം
കൈവല്യമപ്രതിഹതേപ്സിതസിദ്ധിരൃദ്ധി-
രേവംവിധാ വിവിധഭവ്യഗണാ ഭവേയുഃ

____________



-൫-
ശരണാഗതിസ്തുതി

കരുണാവരുണാലയ സര്‍വപതേ
തരുണാരുണസന്നിഭദീപ്രതനോ
ശരണാഗതവത്സല തേ ചരണം
ഗുരുവായുപുരേശ്വര മേ ശരണം. ൧.

വിനതാസുതവാഹന വിശ്വഗതേ
വിനതാശ്രിതപാലനബദ്ധമതേ
ജന താപ വിനാശന തേ ചരണം
ഗുരുവായുപുരേശ്വര മേ ശരണം. ൨.

കമനീയഗുണാകര ഭക്തജനൈര്‍
ഗമനീയമനോഹര രൂപ വിഭോ
സുമനീഷിവിഭാവിത തേ ചരണം
ഗുരുവായുപുരേശ്വര മേ ശരണം ൩.

കമലാകരലാലിത യോഗിമനഃ
കമലാകരലാസകഹംസ ഹരേ
ശമലാപഹ കേശവ തേ ചരണം
ഗുരുവായുപുരേശ്വര മേ ശരണം. ൪.

പരിപാവനമാനസ വാസ സതാം
പരിപാലനതത്പ്പര സത്ത്വനിഥേ
പരിണാമവിവര്‍ജ്ജിത തേ ചരണം
ഗുരുവായുപുരേശ്വര മേ ശരണം. ൫.



-൬-

പ്രണതാര്‍ത്തി വിനാശക പുണ്യവതാം
ഗുണതാന സമുത്സുക മുക്തഗതേ
ക്ഷണദാചരസൂദന തേ ചരണം
ഗുരുവായുപുരേശ്വര മേ ശരണം. ൬.

പതിതോദ്ധരണോത്സുക ഹൈമവതീ
പതിഭാവിത ഭാവുകജാലനിധേ
പ്രതിഭാവദവേക്ഷിത തേ ചരണം
ഗുരുവായുപുരേശ്വര മേ ശരണം. ൭.

ഭവസാഗരതാരക സാരനിധേ
ഭവപദ്മഭവാദിസുപര്‍വപതേ
ഭുവനൈകനിയാമക തേ ചരണം
ഗുരുവായുപുരേശ്വര മേ ശരണം. ൮.

അവനാവനനായ നിജാംഘ്രിജുഷാ-
മവതീര്‍ണ്ണ വിതീര്‍ണ്ണവിശിഷ്ടഗതേ
ശിവതാതിവിധായക തേ ചരണം
ഗുരുവായുപുരേശ്വര മേ ശരണം. ൯.

അവധാനവിധാനമര്‍ഷിഗണൈ-
രവധാരിത മാരിതപാപതതേ
അവശാവനലാലസ തേ ചരണം
ഗുരുവായുപുരേശ്വര മേ ശരണം. ൧൦





-൭-

അപരാധശതൈരതിദൂനമിമം
കൃപയാ പരയാ പരിപാലയമാം
അപവര്‍ഗ്ഗസൃതി പ്രദതേ ചരണം
ഗുരുവായുപ്രേശ്വര മേശരണം. ൧൧.

അഭിരാമഗുണാകര പുണ്യജനൈ-
രഭിരാദ്ധ നിരാകൃതദോഷതതേ
അഭിഗമ്യസഥാമയി തേ ചരണം
ഗുരുവായുപുരേശ്വര മേ ശരണം. ൧൨.

ഫലശ്രുതി
ശരണാഗതി വിഖ്യാത സ്തോത്രരത്നമിദം ശുഭം
ഭക്ത്യാ പഠന്‍ ജനോ നിത്യം ലഭതേऽഭീഷ്ടസമ്പദഃ

മംഗളസ്തുതി
ശ്രീകൃഷ്ണായ മുകുന്ദായ ശ്രീരാജദ്ദിവ്യവര്‍ഷ്മണെ
ഗുരുവായുപുരേശായ ജഗദീശായ മംഗളം. ൧.

കരുണാര്‍ദ്രമനസ്കായ തരുണാരുണ രോചിഷേ
ഗുരുവായുപുരേശായ ഋഷീകേശായ മംഗളം. ൨.

വിശ്വപാലനദീക്ഷായ വിശ്വസന്താപഹാരിണേ
ഗുരുവായുപുരേശായ വാസുദേവായ മംഗളം. ൩.


-൮-

ഭവാബ്ധിതാരകായാബ്ജഭവാഭീഷ്ടുതകര്‍മ്മണെ
ഗുരുവായുപുരേശായ നന്ദപുത്രായ മംഗളം. ൪.

പയോധികന്യാപതയേ പയോദോപമ മൂര്‍ത്തയേ
ഗുരുവായുപ്രേശായ നന്ദപുത്രായ മംഗളം. ൫.

താപാപനോദലോലായ പാപാരണ്യ ഭവാഗ്നയേ
ഗുരുവായുപുരേശായ ദേവദേവായ മംഗളം. ൬.

ദിവ്യജോതിഷ്മതേ നിത്യഭവ്യദായ ശരീരിണാം
ഗുരുവായുപുരേശായ ചിദാകാരായ മംഗളം. ൭.

പ്രപന്നജനസന്ദേഹമന്ദാരായ പരാത്മനേ
ഗുരുവായുപുരേശായ പുണ്യരൂപായ മംഗളം. ൮.

സച്ചിദാനന്ദരൂപായ സര്‍വഭൂതാന്തരാത്മനേ
ഗുരുവായുപുരേശായ പത്മനാഭായ മംഗളം. ൯.

ഭക്തലോകാവനോല്ക്കായ ഭുക്തിമുക്തി പ്രദായിനേ
ഗുരുവായുപുരേശായ വിഷ്വക്‍സേനായ മംഗളം. ൧൦

വിശ്വഗേയാപദാനായ ശാശ്വദാനന്ദ ദായിനേ
ഗുരുവായുപുരേശായ സര്‍വശക്തായ മംഗളം. ൧൧.

ശിഷ്ടപാലന ലോലായ ദുഷ്ടസംഹാരകാരിണേ
ഗുരുവായുപുരേശായ സാരസാക്ഷായ മംഗളം. ൧൨.



ഫലശ്രുതി


യസ്തു നിത്യമിദം ഭവ്യം
വാതഗേഹേശ മംഗളം
പഠേത് സ തരിതും ശക്തോ
ഭവേത് സംസാരസാഗരം.

_______